गतिरोध अन्त्यका लागि सहमति हुने संकेत देखिइरहेका बेला एकीकृत नेकपा माओवादीका वरिष्ठ उपाध्यक्ष मोहन वैद्य ‘किरण’ले छिट्टै आन्दोलनको कार्यक्रम घोषणा गर्ने वताउनुभएको छ ।
वार्तावाट सहमति खोज्ने प्रयासहरु उपलव्धिमुलक हुन नसकेको भन्दै उहाँले छिट्टै आन्दोलनको कार्यक्रम घोषणा गर्नुको विकल्प नभएको बताउनुभयो । काठमाडौंको जनसंचार अभियानमा बुधबार आयोजित एक कार्यक्रममा उपाध्यक्ष किरणले वार्तावाट राजनीतिक सहमति हुने सभावना कम हुँदै गएको दावी गर्नुभयो ।
तीनदलीय कार्यदलका सदस्यहरुले भने भोलिसम्ममा सहमति हुने बताएका छन् ।
राष्ट्रपतिको असंवैधानिक कदमका वारेमा कुनै पनि कुरा उल्लेख गर्ने विषयमा काग्रेस र एमाले सहमत हुन नसकेको भन्दै उहाँले अव सहमतिको लागि प्रयास पनि जारी राख्ने तर आन्दोलनको विकल्प नभएको वताउनुभयो । नेता किरणले छिट्टै स्थायी समितिको वैठक वसेर आन्दोलनका कार्यक्रम ल्याउने वताउनुभयो ।
माओवादी विगत ५ महिनादेखि नागरिक सर्वोच्चताको आन्दोलनमा रहेको छ ।