काठमाडौं, कात्तिक ८। एकीकृत नेकपा माओवादीका उपाध्यक्ष मोहन वैद्य किरणले प्रधानमन्त्री माधवकुमार नेपालको राजीनामा पछिमात्र सहमती  ढोका खुल्ने बताउनुभएको छ।
उहाँले वर्तमान सरकार नागरिक सर्वोच्चतालाई कुल्चेर बनेकाले देशका लागि भार बनेको टिप्पणी गर्दै प्रधानमन्त्रीको राजीनामा सहमतिका लागि प्रस्थान बिन्दु हो,बटमलाइन नागरिक सर्वोच्चता नै हो।’ भन्नुभयो
राष्ट्रपतिको कदम सच्चिनुपर्ने जिकीर गर्दै उहाँले प्रधानमन्त्री हटाउन अविश्वासको प्रस्ताव ल्याउनुपरे पनि तयार भएको बताउनुभयो।
आफूहरु सरकार ढलाउने र गिराउने खेलमा नभई राष्ट्रिय सहमतिको सरकार बनाउन तयार रहेको बताउदै माओवादी नेतृत्वको सरकार गठन हुने दाबी गर्नुभयो।
बैद्यले बजेट पारित हुने अवस्था नरहेको स्पष्ट पार्दै सरकारलाई नै अस्वीकार गरिसकेकाले आफूहरु बजेट पारित गर्ने ध्यानमा नरहेको स्पष्ट पार्नुभयो।
भारतीय गृहमन्त्री पि चिताम्बरमले शान्ति प्रक्रियालाई भाड्न देशी विदेशी षड्यन्त्र भइरहेको भन्दै त्यसविरुद्ध आफूहरु सक्रिय भएको बताउनुभयो।
उहाँले भारतीय माओवादीले नेपालबाट हतियार भित्राएको भन्नेबारे दिएको अभिव्यक्तिको खण्डन गर्नुभएको छ।  
चिदम्बरमले पछिल्लो घटनाक्रमले शान्ति प्रक्रिया भांडिने र सेना समायोजन पनि नहुने अवस्था सृजना हुँदै गएको बताउँदै  यस्तै अवस्था रहे शान्ति प्रक्रिया भाडिने र सेना समायोजन पनि नहुककने दाबी गर्नुभयो।