December 5, 2009
सागर श्रेष्ठ
साउदी अरेवियामा स्थापना काल देखीनै नेपाली मजदुरहरुको हक हितकोलागी आवाज उठाउदै आएको संगठन नेपाली जन प्रगतिशिल माच साउदी अरेवियाको निमन्त्रणामा आउनुभएको सभासद तथा एनेकपा केन्द्रिय सदस्य तथा विदेश विभाग सदस्य क। वशन्तको विशेष उपस्थितिमा पहिलो पटक करिब १४ घण्टा लामो अनतरकृया कार्यक्र सम्पन्न भएको छ । कार्यक्रम साउदी अरेवियाको दमाम स्थित एक होटलमा सम्पन्न भएको थियो । उक्त अन्तरकृया कार्यक्रममा नेपाली जन प्रगतिशिल माच साउदी अरेवियाका केन्द्रिय बोर्डका सदस्यहरु सल्लाहकार बोर्यका सदस्यहरु क्षेत्रीय तथा इलाका को गरि भण्डै ५०- ५५ जनाको उपस्थिति रहेको थियो ।
आज क। वशन्त क्षेत्रीय समिति रियादको निमन्त्रणमा त्याहाँ अन्तरकृया कार्यक्रमको लागी जानु भएको छ । भने भोल ीबहराईन र ११ तारिखको दिन युएई जानुहुने भएको छ ।
December 3, 2009
एनेकपा माओबादीका सभासद तथा कार्यलय सचिव क. वशन्त नेपाली जनप्रगतिशिल माच साउदी अरेवियाको निमन्त्रणमा साउदी अरेविया आई पुग्नु भएको छ । प्राप्त जानकारी अनुसार वहांले जन प्रगतिशिल माचका सदस्यहरुलाई विशेष प्रशिक्षण तथा अन्तरकृया कार्यक्रम गर्ने भएको छ ।
November 8, 2009
दोहा
नेपाली जनप्रगतिशिल मन्चदोहा कतारले आफ्नो प्रथम महाधिबेशन गर्ने भएको छ।
प्रबासी मजदुर अधिकारको उद्घोषणनागरिक सर्बोच्चताको पक्षमा प्रथम महाधिबेशन भन्ने मुल नाराको साथ आफ्नो कार्यक्रम गर्न लागिएको र सो कार्यक्रमको भब्य तयारीमा जुटि सकेको जानकारी प्राप्त भएको छ। सो कार्यक्रमको लागि नेपालबाट नेकपा एमाओबादिका बिदेश बिभाग प्रमुख तथा पुर्ब साचार मन्त्रि कृण्ण बहादुर महरा लाई बोलाउने निर्णय भएको बताईएको छ।साथै सो कार्यक्रम सफल बनाउन कतार स्तिथ बिभिन्न एरिया क्षेत्रिय कमिटीहरुमा प्रशिक्षण पनि चलाउन सुरु गरिएको जनाईएको छ। र सो कार्यक्रमको लागि बिभिन्न बिभागहरु गठन गरि कार्यहरु बाँडफाँड पनि गरिएको छ।ब्यबस्थापन संयोजक केन्दिय सचिब दिल कुमार लिम्बुप्रचार प्रसार संयोजक महेन्द्र राई संगठन तर्जुमा संयोजक हरि नेपाली र आर्थिक संयोजक रामु बस्यााल रहेका छन्। संस्था स्थापना भएको तिन बर्षमा यस माचले आफ्नो महाधिबेशन गर्न लागिएको हो।स्मरण रहोस गत साल माओबादीका केन्द्रिय सदस्यद्दय सीपि गजुरेल र मातृका यादब यसै संस्थाको बर्षगाँठ मनाउने क्रममा कतार आईसकेका छन्।
प्रेस बिज्ञप्ति मिती ०८ नोभेम्वर ०९
जनयूद्ध र जनआन्दोलनको रक्षा गरौं
नेपाली जनताको आन्दोलनलाई सहयोग र समर्थन गरौं
जनयूद्ध र जनआन्दोलनको उपलब्धी स्वरुप संबिधानसभाको निर्वाचन पछी देश शान्ति प्रकृयालाई तार्किक निष्कर्षमा पुरयाई नयां संविधान निमार्ण भई देशको पुनस्रंरचनामा लाग्नु पर्नेमा यथास्थितिवादीप्रतिकृयावादीसामन्तदलाल तथा ना्ेकरशाही तत्वका प्रतिनिधिका रुपमा रहेका नेपालका केही राजनैतिक दलहरुको शान्ति प्रकृयालाई ध्वस्त पार्ने षडयन्त्रमा मोर्चावन्दी गर्दै आन्दोलनका उपलव्धीहरुलाई एक पछि अर्को गर्दै ध्वंस गर्ने प्रकृयामा लागेकाले त्यसका विरुद्ध नेपाली जनता फेरी आन्दोनमा उत्रन बाध्य भएका छन ।
बिधानतः कार्यकारी अधिकार प्रप्त जननिर्वाचित सरकारको निर्णयलाई उल्टाएर सामन्तवाद साम्राज्यबाद अनुदार सैन्य शक्ति र दक्षिणपन्थिहरुको षणयन्त्रस्वरुप राष्ट्रपकिो मुकुण्डोलाइृ अगाडी सारेर आधा रातमा कु भएको छ । नागरीक सर्वोचताको आधरभुत मुल्य र मान्यतालाई कुल्चदै सैन्य सर्वोच्चता लादीएको छ । राष्टपतिको उक्त असंबैधानिक कदमले देशलाई मुठभेट र गृहयूद्ध तर्फ धकेल्दै लगेको छ भने शान्ति संबिधान निर्माण र संघीय लोकतान्त्रिक गणतन्त्रलाई संस्थागत गर्ने प्रकृयालाई सैनिक आतकंको भरमा ्र ध्वस्त पार्ने योजनामा प्रमुखत नेकपा एमालेनेपाली कांग्रस लगायतका केही दलहरु लागेका छन् ।परिणाम स्वरुप नेपालको राष्ट्रीय अस्मितानै ध्वस्त हुने कुरा ब्यावारहत पुष्टी हुदैछ छ । त्यही षणयन्त्रलाई कार्यन्वयन गराउने योजनाको गर्भबाट बर्तमान यथास्थीतीबादी र आत्मसमपर्णबादी कठपुतली सरकार गठन भएको हो ।
बर्तमान कठपुतली सरकार र सत्ताधारी बर्ग बृहत शान्ति संझौताको मर्म निर्वाचनमा ब्यक्त जनअभिमत शान्ति र संबिधान निर्माणको मर्म बिपरीत छ । यो सरकारले आन्दोलनको उपलब्धीहरुको क्षयीकरणमा निलिप्त छ भन्ने कुरा सरकार गठन गरे लगत्तै पुरानो सरकारले गरेको निर्णयलाई फटाफट उल्ट्याउदै प्रतिगमनको पक्षपोषण गरेकोवाटनै प्रष्ट भएको छ ।
लोकतन्त्रिको सुगा रटाईबाट नथाक्ने तर राष्ट्रपकिो असंबैधानिक कदमको बारेमा नेपाली जनताको सर्वोच्व थलो संबिधान सभामा छलफल सम्म गर्न तयार नहुनु र कठपुतली सरकारका रक्षा मन्त्रिले बृहत शन्ति समझौताको पुनरावलोकन हुनुपर्छ भन्दै सैनिक सर्वोच्चतालाई स्थापित गर्न खोज्नु र शान्ति सम्झौता विपरित क्यान्टोनमेन्टमा रहेका जनसेनाहरुलाई अपमान गर्दै निशष्त्रिकरण गर्ने अभिव्यक्तिहरु दिनु भारतिय राजदुतले बर्तमान कठपुतली सरकारलाई टीकाई राख्न गरेका बिभिन्न कसरत उपयूक्त षणयन्त्रका पछील्ला अभिब्यक्ति मात्र हुन् ।
संबिधानसभाको निर्वाचन र संघिय लोकतन्त्रिक गणतन्त्रको घोषणा बिगतमा सम्पन्न्ा आन्दोलनका उपलब्धी भएता पनि देशको अर्धसामन्ति र अर्धऔपानिवेशिक अवस्थामा कुनै आधरभुत परिर्वतन भएको छैन । नतः राज्यसत्ताको बर्गचरित्रमा कुनै आधरभुत परिवर्तननै भएको छ ।
राष्ट्रीयता जनतन्त्र र जनजिविकासंग संबन्धित देश कुनै पनि अधारभुत समस्या सामाधान भएका छैनन् । बर्तमान सत्ताधारी बर्ग संग यी समस्याहरु सामधान गर्ने सोच दृष्टीकोण र कुनैपनि योजना छैन र हुन पनि सक्दैन ।यो कठपुतली सरकार जनयूद्ध र जनआन्दोलनको उपलब्धीलाई क्षयीकरण गरेर नेपाललाई यथास्थीतीमा फर्काउने योजनमा मात्र छ ।
सारमा बर्तमान द्धन्दको चुरो प्रश्न सघिय लोकतान्त्रिक गणतन्त्रलाई ब्यावारीक अर्थमा श्रमजिबीबर्गको गणतन्त्रको रुपमा बिकाश र संस्थागत गर्नेकी यसलाई सामन्तवादीदलाल तथा नोकरशाही पुंजीपतिहरुको कृडास्थलको रुपमा प्रयोग गर्न दिने भन्ने नै हो ।
तसर्थ अहिले एनेकपा माओवादीको नेतृत्व र संयुक्त राष्ट्रिय जन आन्दोलनको आह्ानमा उठेको नागरीक सर्वोचाताको आन्दोलन भनेको जनताको गणतन्त्रलाई सस्थागत गर्ने आन्दोलन हो भन्ने ठहर गर्दै यस प्रति बिदेशमा रहेका प्रगतीशिल संगठनहरुको छाता संगठन संयूक्त नेपाली मोर्चायूरोप लगायत यूरोप भरीका प्रगतीशिल संगठनहरुले सकृय समर्थन तथा ऐक्यबद्धेता जाहेर गर्दछ ।
धन्यवाद
संयुक्त नेपाली मोर्चा युरोप
अध्यक्ष नवीन सापकोटा
नेपाली जनजाति सरोकार माचयुरोप
अध्यक्ष राम वहादुर गुरुङ्घ
नेपाली जनप्रगतिशिल मंच बेल्जियम
अध्यक्ष विष्णु भुजेल
नेपाली जनजाति सरोकार माच वेल्जियम
अध्यक्ष राम वहादुर गुरुङ्घ
नेपाली लोकतान्त्रिक गणतान्त्रिक मोर्चावेल्जियम
अध्यक्ष कृष्ण तिवारी
नेपाली जनप्रगतिशिल मंच फ्रान्स
अध्यक्ष अशोक घले
अन्तराष्ट्रियतावादी नेपाली ऐक्यवद्धता मंचजर्मनी
अध्यक्ष प्रभाकर शर्मा
नेपाली ऐक्यवद्धता मंचस्वीट्जरल्याण्ड
अध्यक्ष्य अशोक चौलागाई
नेपाली लोकतान्त्रिक गणतान्त्रिक मोर्चा पोचुगल
अध्यक्ष राम व गौचन
नेपाली लोकतान्त्रिक गणतान्त्रिक मोर्चा नेदरल्याण्ड
संयोजक तुलसी अंगाई
नेपाली लोकतान्त्रिक गणतान्त्रिक मोर्चा जर्मनी
अध्यक्ष गंगालाल श्रेष्ठ
नेपाली जनप्रगतिशिल शान्ति समाज अष्ट्रिया
अध्यक्ष राजेस खतिवडा
नेपाली समाज युके सम्मेलन आयोजक समितिका
संयोजक रण बहादुर के सी
नेपाली जनप्रगतिशिल मंच स्पेन
अध्यक्ष ईश्वर शर्मा
नेपाली समाज नर्वे
संयोजक डा कृष्ण अर्याल
तमु राष्ट्रिय मुक्ति मोर्चा वेल्जियम
संयोजक गम वहादुर गुरुङ्घ
मगर राष्ट्रिय मुक्ति मोर्चा वेल्जियम
अध्यक्ष कुल वहादुर मगर मगर
नेपाली प्रगतिशील महिला माचवेल्जियम
अध्यक्ष कल्पना मगर
नेपाली जनप्रगतिशील माच डेनमार्क
संयोजक उदय गौतम
नेपाली जनजाति सरोकार माच नेदरल्यण्ड
अध्यक्ष बृख सुब्बा
November 5, 2009
सागर श्रेष्ठ
सदियौं देखी नेपालमा भईरहेको सबै खाले थिचोमीचोको विरुद्व नेपाली भूमीमा माओबादीले विगतमा गरेको आन्दोलन समय सान्दर्भिक र २१ ऋौं शताब्दीको माग बमोजीम भई सफल भएकोले अहिले नागरिक सर्बोच्चताको लागी भएको आन्दोलनमा नेपाली जन प्रगतिशील माच साउदि अरेवियाले एक वक्तब्य प्रकासीत गरी उक्त आन्दोलनको सर्मथन र ऐक्यबद्यता जनाएको छ ।
वक्तब्यमा भनिएको छ । आवश्यक परेमा विभिन्न प्रकारले सहयोग गर्न पनी माच तयार रहेको जनाइएको छ ।
October 4, 2009
एजेन्सी/मनिला, ४ असोज : फिलिपिन्स कम्युनिस्ट पार्टीको सैनिक दस्ता नयाँ जनसेनाले मजदुरहरूलाई शोषण गर्दै आएको केरा फार्म कम्पनीमाथि आक्रमण गरेका छन् । जनसेनाले सो कम्पनीका केरा प्रशोधन गर्ने मेसिनहरूमा समेत आगो लगाइदिएका छन् ।
फिलिपिन्सको सुरिगाउँ डेलसुरस्थित सो केरा फार्म जनसेनाले कब्जा गरी आगो लगाइदिएको सरकारी सेनाले आइतबार बताएको हो ।
फिलिपिन्स सेनाको चौथो इन्फेन्ट्री डिभिजनका प्रवक्ता मेजर मिचेल आनायरोनले चन्दा नदिएका कारण विद्रोहीहरूले फार्ममा आक्रमण गरेको बताएपनि नयाँ जनसेनाले आक्रमण गर्नुको कारण चन्दा नभई मजदुरहरूको शोषण भएको बताएको छ ।
आनायरोनका अनुसार २०-३० जनाको सङ्ख्यामा आएका माओवादी विद्रोहीहरूले सितियो काबालावानस्थित सो फार्ममा शनिबार बिहान १० बजे आक्रमण गरेका थिए ।
उता फिलिपिन्सका इस्लामिक लडाकुहरू र सरकारी सेनाबीच आइतबार बिहान इन्दानान सहर नजिक भिडन्त भएको छ ।
सैनिक प्रवक्ता मेजर डेभिड होन्टिभरोसका अनुसार भिडन्तमा एक सिपाही सामान्य घाइते भएका छन् ।
September 13, 2009
नेपाली जनप्रगतिशील माच कतारको आयोजनामा कतारबाट बिदामा नेपाल आएका नेपालीहरुका बिचमा प्रशिक्षण कार्यक्रम सम्पन्न भएको छ । उक्त कार्यक्रमलाई एकीकृत नेपाल कम्युनिष्ट पार्टी माओवादीका केन्द्रीय प्रवास ब्यूरो समिति सदस्य क। मनोज थापा र अखिल नेपाल टे्रड युनियन महासंघका उप-महासचिव तथा अखिल नेपाल यातायात मजदुर संघका केन्द्रीय अध्यक्ष क. जगत िसंखडाले प्रशिक्षण दिनु भएको थियो ।
उक्त कार्यक्रममा बोल्दै क. मनोज थापाले भन्नु भयो नेपाली जनक्रान्ति विजयको सन्नीकट पुगेकोले उक्त अन्तीम विद्रोहमा प्रवासमा रहेका लाखौं लाख नेपालीहरुको उल्लेखनिय भूमिका हुने बताउनु भयो । विश्वका जुनसुकै कुनामा रहेका भए पनि आम सर्वहारा वर्गको मुक्ति आन्दोलनमा सहभागी भएर आफ्नो जिम्मेवारी निर्वाह गर्न पनि उहाँले सुझाब दिनु भयो । त्यस्तै अर्का बक्ता जगत िसंखडाले आज लाखौं लाख नेपाली स्वदेशमा रहेर आफ्नो जीविकोपार्जन गर्न नसक्ने अवस्था विगतका यो देशका शासकहरुकै कारणले सिर्जना भएको हुनाले यो शोसक सामन्ती राज्य व्यबस्थालाई ध्वंस बनाई नयाँ जनवादी राज्य सत्ता स्थापनाको लागी छिट्टै नै भिषण जनविद्रोहको आधिबेहरी सिर्जना हुँदै छ । उक्त अन्तिम लडाईमा प्रवासी नेपालीको वलिदानको कोटा नेपाली भूमीले मागेको अवस्थामा नेपाल र सर्वहारा वर्गको मुक्तिको लागी आफुलाई वलिदानी गर्नु परे पनि तयार रहने जुझारु संगठन निर्माण गर्नुपर्ने घारणा राख्नु भयो । सोही कार्यक्रममा अखिल नेपाल टे्रड युनियन महासंघका केन्द्रीय सदस्य झंकनाथ पौडेल अर्का सदस्य बिष्णु प्रसाद वेलवासेले पनि आफ्ना भनाइहरु राख्नु भएको थियो । कार्यक्रम जनप्रगतिशील माच कतारका अध्यक्ष जनार्दन गिरीको अध्यक्षता र नेपाली प्रगतिशील यातायात मजदुर माच कतारका उपाध्यक्ष ढुण्डीराज कोईरालाले संचालन गर्नु भएको सो कार्यक्रममा सयौंको संख्यामा सहभागीहरु उपस्थित भएका थिए ।
September 10, 2009
-सागर श्रेष्ठ
एउटा छुटै परिवेश भएको देश साउदी अरेवियामा विगत केहि बर्ष देखी आफ्नो परिश्रम बेचीरहेका नेपालीहरुलाई रमाहदान तथा दशैं तिहारको पावन अबसरमा विभिन्न मनोराजनात्मक कार्यक्रम प्रस्तुत गर्दै आई रहेको छ । गत बर्ष देखी युनाईटेड नेपालीज वेलफेयर सोसाईटी साउदी अरेवियाद्वरा नेपालको ख्याती प्राप्त कलाकारहरुलाई झिकाई कार्यक्रम देखाउने प्रयास भई रहेको छ । हुनत साउदी अरेवियामा यस्ता कार्यक्रमहरु प्रस्तुत गर्न चुनौतिको विषय हो तर पनि आयोजक मित्रहरुले प्रवासी नेपालीहरुलाई मनोराजन प्रदान गर्न हर प्रयास गरिरहेको छ ।
विभिन्न आरोप प्रत्यारोपहरु खेपीरहेका आयोजकहरुले यस पटक पनि सर्व साधारणहरुले भारी गुनासो पोखीरहेको छ । कार्यक्रमको लागी टिकट बजारमा आई सकेको छ । तर रहर भएर पनि कार्यक्रम हेर्न जानलाई समस्याहुने सर्बसाधारणहरुको गुनासो छ । टिकट रेट धेरै महंगो भएकोले धेरै नेपालीहरु सहभागी हुन नसक्ने गुनासो सर्वसाधारणको रहेको छ । तर पनि आयोजकहरुको आफ्नै गुनासो छ । नेपालीहरुलाई वर्षको एक पटक भने पनि मनोराजन दिनको लागी नेपालबाटै कलाकार झिकाउदा साउदी अरेवियाको लागी अलि कठिन र महंगो भएकैले टिकट पनि केहि महंगो भएको स्वीकार्नु हुन्छ । दमाममा हुने कार्यक्रमको लागी विभिन्न क्षेत्रबाट बसको सुविधा पनि भएको जानकारी प्राप्त भएको छ ।
आयोजक मित्रहरुले दिनुभएको जानकारी अनुसार सबै कलाकारहरु २० तारिष भन्दा अगाडीनै आईपुग्नेछन । यस पटक दमाम शहरमा सेप्टेम्बर २२ र रियादमा दुई शो सेप्टेम्बर २१ र २५ मा हुने जानकारी प्राप्त भएको छ ।
साउदी अरेविया जस्तो देशमा सांस्कृतिक कार्यक्रम प्रस्तुत गर्न अति आवश्यक छ । तर चुनैति पनि तेतिकै छ । यदि खुलाम खुल्ला रुपमा नेपालको सांस्कृतिक कार्यक्रम प्रस्तुत गर्ने हो भने पर्यटन क्षेत्रमा धेरैनै सहयोग पुग्ने देखीन्छ ।
August 31, 2009
लोकेन्द्र विष्टमगर
पहिलो जनआन्दोलन २०४६ ले ३० वर्षे पाचायती कालरात्रीको अन्त्य गर् यो । दोस्रो जनआन्दोलन २०६२÷६३ ले २ सय ४० वर्षे एकीकृत र केन्द्रिकृत सामन्ती राजतन्त्रको अन्त्य गर् यो । दोस्रो जनआन्दोलनको जग १० वर्षे महान् र भीषण जनयुद्ध थियो भने त्यसको आड १२ बुँदे सहमति । फेरि इतिहासको यो विशिष्ट घडीमा आइपुग्दा बचेखुचेका पाचायतका ठुटाहरु र राजतन्त्रका जीर्ण अवशेषहरु पलाउने र सल्बलाउने धृष्टता गरिरहेका छन् । संघीय लोकतान्त्रिक गणतन्त्रको झण्डा र ब्यानरभित्र यथास्थितिवादी र प्रतिगामी कदमका रिहस्रलहरु भइरहेका छन् । पहिलो र दोस्रो जनआन्दोलनका झड्का र थप्पडहरु बिसर्िदै गएजस्तो छ । आगोको अनुभूति गर्न पुनः पुनः आगोमै हाम फाल्नु गोलचक्करवादी अनुभववादको विशेषता नै हो । प्रतिगामी तत्व र शक्तिहरु यसरी नै सिद्धिएका विश्व इतिहासहरु छन् उदाहरणहरु छन् । इतिहाबाट नसिक्नु जनबैरीहरुको वर्ग चरित्र नै हुन्छ । जबसम्म उनीहरु पूर्ण रुपमा सकिन्नन् तबसम्म यस्तैगरी गडबडी मच्चाइरहन्छन् । यसकै अन्तिम संस्करणको रुपमा नेपाल र यहाँका भेषबहादुरहरु देखिएका छन् । सुधि्रएर केही दिन टिक्नु छैन । बरु छिटो भन्दा छिटो नामेट हुनु छ उनीहरु । तसर्थ यसो गर्छन् । जनता जनादेश राष्ट्र र इतिहासलाई अवज्ञा गर्नेहरुकै कारण तेस्रो जनआन्दोलनको अपरिहार्यता दर्शिदै आएको छ । त्यो कसैको मनोगत इच्छा र लहडमा उठ्ने र आउने होइन वस्तुगत आवश्यकता र इतिहासको जिम्मेवारीका कारण उदाउने र जन्मिने हो । जनयुद्ध जनआन्दोलन र जनविद्रोहहरु खासखास मुद्दा लिएर उठ्छन् । सम्भाव्य तेस्रो जनआन्दोलनका पनि केही महत्वपूर्ण मुद्दाहरु छन् । जस्तो ः
नागरिक सर्वोच्चताको प्रश्न
हाम्रोमा कतै शेष रहेका तानाशाह वादशाह सामन्त नोकरशाह र दलाल पुँजीपति वर्गका पत्रु र पात्रहरु नागरिक अधिकार र सर्वोच्चताका विरुद्धमा आफ्नै सर्वोच्चता अर्थात् राजा सामन्त र सैनिक÷जंगी सर्वोच्चता कायम गर्न कुनै कसर बाँकी नराखेर लागेका छन् । विगत र विश्वलाई हेर्ने हो भने नागरिक सर्वोच्चताकै लागि ठूलठूला युद्ध आन्दोलन र विद्रोहका हुरी तुफानहरु उठेका छन् । ती सारा हुरी तुफानहरु रोक्न छेक्न र मत्थर पार्न समग्र शक्तिका साथ वादशाहहरु नलागेका होइनन् । तर तिनीहरुको जोर सीप केही चलेन । यहाँ पनि बर्दीसहितका र बर्दिरहितका वादशाहहरु नागरिक सर्वोच्चताको घाँटी निमोठेर हत्या गर्न मरिमेटेर लागेका छन् । यिनीहरु गधाका सन्तान हुन् । गधालाई धोएर तेल घसाएर कहिल्यै कहीँ पनि गाई बनेको आजसम्म इतिहास र उदाहरण छैन । गधालाई त गह्रौं भारी बोकाएर कोर्रा लगाउँदै कुदाउनुपर्छ । नत्र त गधाले टोक्न र कराउन थाल्छ । यो त गधाको वंशानुगत विशेषता र चरित्र नै हो । तसर्थ फेरि पनि नागरिक सर्वोच्चता संवैधानिक सर्वोच्चता र सदनको सर्वोच्चता कायम गराउन तेस्रो जनआन्दोलनको हुरी तुफान उठाउनुपर्ने आवश्यकता र अपरिहार्यता पुष्टी हुन खोज्दैछ । यसमा भ्रम र शंका छैन ।
शान्ति प्रकि्रया ः
हामी कसैलाई पनि युद्ध द्वन्द्व आन्दोलन र विद्रोह पि्रय छैनन् । विवशता र बाध्यताहरु हुन् । तर आजसम्मको मानव र विश्व इतिहास युद्ध र शान्तिको नै इतिहास हो । क्रान्तिबिना शान्तिको कल्पना गर्नु रातबिना दिन मृत्युबिना जीवन हारबिना जित नराम्रोबिना राम्रो र अँध्यारोबिना उज्यालोको कल्पना गर्नुसरह नै हो । दीगो जीवन्त र अग्रगामी शान्तिका पक्षधर हामी कसैलाई पनि बलपूर्वक युद्ध द्वन्द्व आन्दोलन र विद्रोहमा धकेल्ने काम नहोस् भन्ने आम चाहना र धारणा रहेको छ । अहिलेको शान्ति प्रकि्रयालाई भाँड्ने र पुनः युद्ध भड्काएर कमिसन खाने योजनामा शान्तिका दुश्मन तानाशाह र युद्ध सर्दारहरु नाभीदेखिको बल लगाएर लागेका छन् । बृहत् शान्ति सम्झौता विपरित सैन्य भर्ना हतियारको खरिद र भण्डारण सेना समायोजनका विरुद्ध अभिव्यक्तिहरु दिनु साम्राज्यवादी र विस्तारवादी शक्तिहरुको बुई चढ्नु व्यवहारिक र मनोवैज्ञानिकरुपमा शान्ति प्रकि्रयाको प्रतिकूल वातावरण बनाउँदै जानु र अन्ततः जनताको जनादेश प्राप्त प्रथम गणतान्त्रिक सरकारको निर्णय लत्याउँदै राष्ट्रपतिबाट नै संविधानको अवज्ञा हुनु स्पष्टरुपमा शान्ति प्रकि्रयाले तार्किक सार्थक र वैज्ञानिक निष्कर्ष पकड्ला भन्ने कुरामा शंका व्यक्त गर्ने ठाउँहरु देखिन थालेका छन् । तर हारेर भाग्न कसैले पाउने छैन । जसले त्यसो गर्छ ऊ नै शान्तिको बाधक भएको पुष्टि हुनेछ । त्यस्तालाई इतिहासले माफी दिने छैन ।
राज्यको पुनस्रंंरचना ः
२ सय ४० वर्ष पुरानो सामन्ती एकीकृत र केन्द्रिकृत राज्यको ढाँचालाई भत्काएर नयाँ संरचना निर्माण गर्ने काम आफैमा गम्भीर चुनौतीको काम हो । स्वायत्त संघीय संरचनामा जानको लागि त्यही खालको गृहकार्य तदारुकता गम्भीरता र राजनीतिक सुझबुझसहितको सकि्रयताको पनि त्यत्तिकै खाँचो छ । राजनीतिक दल तिनका शीर्ष नेतागण संविधानसभा अन्तर्गतका विषयगत समिति र संविधानसभा पनि त्यहीरुपमा जिम्मेवार छन् । ६ सय १ जनाको संविधानसभाको काम विषयगत समितिमा रहेर काम गर्ने र मूलतः राज्यको पुनस्रंरचना र राज्य शक्तिको बाँडफाँडमा धारणा एकीकृत गर्न जरुरी छ । जाति भाषा र भूगोलका आधारमा राज्यको पुनस्रंरचना गरेर जानुको विकल्प छैन । प्रदेश कति बनाउने नाम र सीमा कसरी टुङ्ग्याउने र अधिकारको बाँडफाँड कसरी गर्ने भन्ने बारेमा समयमै निर्णय गरेर जानुपर्छ । राज्यको पुनस्रंरचना नगरेर संविधान बन्न सक्दैन । यस निम्ति पूरै राज्यको ध्यानाकर्षित हुनुपर्छ । रमिते कोही नबनौं ।
संविधान लेखन ः
एघारवटा विषयगत समितिले आफ्नो काम सुचारु रुपमा सम्पन्न गर्दै गएका छन् । तर पनि संवैधानिक समितिको सभापतिकै निर्णय नहुँदा बाहिर राम्रो प्रभाव परिरहेको छैन । पूर्व राजनीतिक सहमति सहकार्य र इमान्दारिताको पाटो पछि परिरहेको छ । हाम्रा नेताहरु भाषण गर्न सिपालु छन् तर त्यही कुरो व्यवहारमा लागू गर्न सकि्रयता देखाउँदैनन् । ठूलै धनराशी रगत र ज्यान चढाएर संविधानसभाको चुनाव गरियो । यो संविधानसभाले संविधान बनाउन वा लेख्न सकेन भने पुनः देश अशान्ति अराजकता र अन्यौताको भूमरीमा फस्ने निश्चित छ । नारा संविधानको काम गैर संविधानको गर्ने एउटा तप्का खुबै लागेको छ । त्यसलाई बेलैमा चिन्न र अलग्याएर नङ्ग्याउनु पर्ने हुन्छ । त्यसको लागि जनताको सचेत संघर्ष आवश्यकता पर्छ ।
राष्ट्रिय स्वाधीनता सार्वभौमिकता र नेपालको समग्र अस्मिता खतरामा पर्दै आएको छ । राष्ट्रिय स्वाधीनता र सार्वभौमिकता दिनरात साम्राज्यवादी र विस्तारवादी गिद्धहरुको सिकाजाभित्र जकिडंदै गइरहेको छ । हाम्रो आन्तरिक राजनीतिक मामिलामा विदेशीहरुको हस्तक्षेपमा वृद्धि हुँदै गएको छ । चारैतिर सीमा र नदीहरु लुट र अतिक्रमणमा परिरहेकै छन् । सयौं वर्ष पुरानो असमान र अन्यायपूर्ण सन्धि सम्झौताहरु ज्यँुकात्युँ छन् । त्यस्तै खालका सन्धि सम्झौताहरु अरु पनि भइरहेका छन् । स्पष्ट विदेश नीति र अडानको अभावमा राष्ट्रिय आत्मसपर्णवादको खतरा तीव्र बनिरहेको छ । भुटानीकरण र सिक्किमीकरणको सिलसिलेवार शृंखला थपिदै गएको छ । हाम्रा केही राजनीतिक पार्टी र तिनका नेताहरु जिग्मेसिग्मेको पथमा उन्मुख भइरहेका छन् । लोकतान्त्रिक गणतान्त्रिक खास्टोभित्र प्रकारान्तरले सुगौली सन्धिदेखि मण्डले राष्ट्रवादकै बाटोमा अग्रसर भएको पाइन्छ । पराधीनता र आत्मसमर्पणको दलदलमा फस्दै गएको राष्ट्रिय राजनीतिक माहौललाई राष्ट्रिय स्वाधीनता र सार्वभौमिकताको बलियो अड्डाको रुपमा खडा गर्न र विकास गर्नको लागि सारा देशभक्त प्रगतिशील वामपन्थी र संघीय लोकतान्त्रिक गणतन्त्रवादी शक्तिहरुले राष्ट्रिय स्वाधीनता र सार्वभौमिकताको जनआन्दोलन उठाउन नितान्त जरुरी छ । राष्ट्रियताबिनाको राजनीति र इतिहास हुन्न तसर्थ राष्ट्रियताको लागि एकाकार होऔं ।
तेस्रो जनआन्दोलनको औचित्यता वस्तुगत अपरिहार्यता र ऐतिहासिक आवश्यकता बन्न पुगेको कुरा घटनाक्रमहरुले स्पष्ट पारेका छन् । शान्तिपूर्ण संसदीय र कानुनी रुपमा जनताले उठाएका उपयुक्त पाँच मुद्दाका आवाजहरुलाई कठपुतली सरकारले बल प्रयोग गरेर दबाउने धम्की दिइरहेको छ । यदि उसले र कसैले पनि त्यसो गरेको खण्डमा आन्दोलनले सशक्त तेस्रो जनआन्दोलनको रुप लिने निश्चित छ । सैनिक सर्वोच्चताका साथ रक्तपातपूर्ण दमनमा ओर्लिएमा जनता बाध्य भएर त्यसको प्रतिरोधस्वरुप सशस्त्र विद्रोहमा उत्रिने सुनिश्चित छ । विदेशी प्रभु र शेष सामन्त नोकरशाह र दलाल पुँजीपतिहरुको सत्ता स्वार्थका लागि कोही आइलागेमा जनता त्यसका विरुद्धमा जाइलाग्नु कुनै अपराध नभएर ऐतिहासिक राजनीतिक र राष्ट्रिय अधिकार नै मानिन्छ । त्यसबेला विकल्प हुनेछैन ।
August 24, 2009
खाडी मुलुक अन्तर्गत साउदी अरेवियामा सूचना तथा संचारको अवस्था ।
परापुर्ब काल देखी नै मानिसहरु एक ठाउँंबाट अर्को ठाउँमा जाने क्रम जारी छ । त्यसै गरी विभिन्न बहनामा विदेश जाने नेपालीहरु पनि कम छैनन् । गरिविको रेखामुनी रहेका नेपालीहरुका गच्छ अनुसार बैदेशिक रोजगारीको लागि खाडी मुलुकहरु एक महत्वपुर्ण गन्तब्य स्थान हो । भौगोलीक दृष्टिकोणले हेर्ने हो भने पनि खाडी देशहरु मध्ये साउदी अरेविया क्षेत्रफलको आधारमा सबै भन्दा ठूलो क्षेत्रफल ओगटेको देश हो । यहाँ कहिले देखि नेपालीहरु रोजगारीको लागी आउन थालेको भन्ने रेकर्ड नभएता पनि सन २००२ २००३ देखी नेपालीहरुको चाप बढेको पाईन्छ ।
खाडी मुलुकहरुमा यति नै नेपालीहरुले आफ्नो परिश्रम बेचीरहेका छन् भनि एकीन गर्न नसकियता पनि साउदी अरेवियामा करिव ४ लाख ५० हजारको हाराहरीमा नेपालीहरु रहेको अनुमान गरिन्छ तत्कालीन सरकारले नेपाली महिलाहरुलाई खाडी क्षेत्रमा बैदेशिक रोजगारीको लागी पठाउन बन्देज लगाए पनि भारत तथा बंगलादेशको बाटो हुदै यी देशहरुमा आईपुगेका करिब ५० हजारको हाराहारीमा नेपाली दिदी बहिनीहरु रहेको अनुमान गर्न सकिन्छ ।
नेपाल सरकारको बैदेशिक रोजगार सम्बन्धी ठोस निती नियम नहुनु स्थिर सरकार नहुनु केही म्यान पावरहरुको लापर्वाहि स्टाफको कमिले गर्दा एम्बेसीको ढिला सुस्ती कामदारहरुको अनुभबको कमी शिक्षाको कमजोरी नेपालमा गरेको सम्झौता यहाँ लागु नहुनु कम्पनीले बेलामा तलब नदिनु देशमा असमान परिस्थितीहुनु आदीले गर्दा कम्पनी छाडी भागेर काम गर्ने नेपालीहरुको संख्या साउदी अरेवियामा करिब असि हजार नाघी सकेको छ । यस समस्यालाई बेलैमा सम्बन्धीत निकायले ध्यान नदिने हो भने भविश्यमा यसले विकराल रुप नलिएला भन्न सकिन्न ।
२००३ भन्दा पहिले खाडीराष्ट्रहरु मध्य साउदी अरेवियामा सुचना तथा संचारको लागी रियादबाट एक दुइ ओटा साप्ताहिक पत्रिका र दमामबाट एक मासिक पत्रीका निस्कन्थ्यो भन्दा फरक नपर्ला । सुचना तथा संचारको मुख्य श्रोत भनेकै टेलीफोन चिठी पत्र तथा वि वि सी नेपाली सेवा थियो । अहिले यहाँ समयले फड्को मारी सकेको छ । यस देशमा अहिले सुचना तथा संचारको लागी विभिन्न माध्यमहरु भैसकेको छ । तर यस देशको आपनै कानुन र रितिथिती भएकोले यि सबै गर्न यहाँ छुट छैन । जब मानिसहरुमा चेतना बढ्दै गयो समस्याहरु दिन प्रतिदीन बढ्दै गए तब ति समस्याहरुलाई समाधान र आ-आपना जिल्ला तथा क्षेत्रहरुको समस्या तथा भेटघाटको लागी र आपत विपत परेको बेलामा सहयोग गर्नको लागी भनेर यहाँ विभिन्न संघ संगठन सम्पर्क माचहरु नखोलीएका होईनन् । तर यस देशको नियम कानुन भन्दा बाहिर रहेर जोखिम पुर्ण तरिकाले काम गरि रहनु परेको छ ।
यी देशहरुमा अहिले नेपालीहरु भित्रिने क्रम दिन प्रतिदिन बढ्दो छ र महिलाहरुको पनि विगत केही वर्ष यता यहाँ आउने क्रम तीब्र छ । खाडी राष्ट्रहरु साउदी अरब कतार यू।ए।ई बहराईन कुवेत ईरान आदिमध्येमा सबैभन्दा धेरै नेपालीहरु साउदी अरबमा रहेका छन् । आधिकारिक तथ्याङ्क नभए पनि लगभग ४ लाख ५० हजारको हाराहारीमा नेपालीहरु वैदेशिक रोजगारीको लागि साउदी अरब आएका छन् भने करिब २ लाखको हाराहारीमा नेपालीहरु कतारमा छन् त्यसैगरी करिब १ लाख ५० हजारको हाराहारीमा यू।ए।ईमा नेपालीहरु कार्यरत छन् ।
विगत केही वर्ष पहिला प्रवासमा नेपाली सूचनाको माध्यम भनेको केवल वि।वि।सी नेपाली सेवालाई मात्र विश्वसनीय माध्यम लिन सकिन्थ्यो तर अहिले बिस्तारै नेपाली सूचनाको माध्ययले फड्को मारेको छ । साउदी अरेवियामा नेपाली पत्रपत्रिका पढ्न त्यति मात्रमा पाईदैन । यहाँ कहिले देखी पत्रपत्रिका आउन थालेको हो त्यसको रेकर्ड छैन । तर नेपालमा प्रकासीत हुने प्राय सबै मासीक पत्रपत्रिकाहरु यहाँ गोप्य रुपमा पाईन्छ । अन्य देशहरुमा जसरी खुलामखुल्ला साउदी अरेवियामा बेच विखन गर्न बन्देजछ । साउदी अरेवियामा अहिले सबै भन्दा बढी पढ्ने मासीक पत्रिकाहरु मध्ये एक ऐक्यबद्वाता हो । यो पत्रिका सन २००५ बाट सागर श्रेष्ठको सकि्रयतामा साउदी अरेविया प्रबेश गरेको हो ।
प्रवासबाट पत्र पत्रिकाहरु प्रकाशन गर्नु अवस्य पनि सजिलो छैन । कम्पनीको कामको बावजुद बचेको समयलाई सदुपयोग गर्नको लागि र पत्रकारिता क्षेत्रमा रुचि भएका नेपालीहरुले साउदी अरेवियाबाट पहिले नेपाली माच मासिक रुपमा प्रकासन हुन्थ्यो यसको निर्देशक श्री तुलसी राम सुबेदी हुनुहुन्थ्यो । १३/१४ अंक प्रकाशन पछि यसको प्रकाशन बन्द भएको छ । त्यसै गरी रियाद बाट ब्रास्ट बुधबार नेपाल सप्ताहिक भन्ने ३/४ ओटा सप्ताहिक पत्रिका प्रकाशन भई रहेको छ । केही पत्रिका विविध कारणले गर्दा अहिले बन्द भएको छ । खोटाङ्ग प्रवासी सेवा समाजले प्रवासी डाईजेष्ट भन्ने मयागेजीन त्रैमासीक रुपमा निकाली रहेकोमा अकिले बन्द भएको छ भने तमु धीं साउदी अरेवियाले पनि आफ्नो मुख पत्र बेलाबेलामा निकाली रहेकाछन ।
२००३ बाट सागर श्रेष्ठको निर्देशन तथा खेम नाथ पौडेलको सम्पादनमा प्रकासीत चौतारी खबर पाक्षिक पत्रिका प्रवासी नेपालीहरु विशेष गरी साउदी अरेवियाका आप्राबासी नेपालीहरुको लागी भाज्याङ्गको चौतारी नै भयो । जुन पत्रिका अहिले चिजकुमार श्रेष्ठको प्रधान सम्पादकत्वमा प्रकाशन भई रहेको छ । समग्रमा भन्नु पर्दा साउदी अरबमा सुचनाकामाध्यमले गति लिएको पनि लगभग त्यहि समय देखिनै हुनुपर्दछ । त्यो भन्दा पहिला साउदीबाट अनलाईन पत्रिकाहरु साचालनमा थिएनन् भन्दा फरक नपर्ला र अनलाईन पत्रिकाहरु साथै अन्य पत्र पत्रिकाहरुमा खाडीराष्ट्रहरु बाट समाचार सम्पे्रसण गर्ने समाचारदाताहरुको पनि अभावनै थियो । अहिले पत्रकारिता क्षेत्रमा दक्षताप्राप्त ब्यक्तिहरु पनि बैदेशिक रोजगारमा आउन थालेपछि यो हदैसम्म अन्त्य भएको छ । सूचनाको माध्ययमले सबैभन्दा छिटो फड्को मार्न सफल भएको खाडी देशहरुमा कतार जहाँबाट साप्ताहिकरुपमा राजधानी र कान्तिपुर कतार संस्करण निरन्तर छापिन्छ त्यस्तै कतारबाटनै नेपालकतार डट् कम् पनि गल्फ देशहरुमा अनलाई पत्रिकामा सायद पहिलो नै हुनुपर्दछ ।
त्यस्तै गरेर साउदी अरबले पनि सूचनाकामाध्यममा छोटो समयमा सगरमाथाको चुचुरोमा पुग्न सफल भएको कुरामा दुईमत नहोला । साउदी अरबबाट सन् 26-Dec-2005 बाट सम्पूर्ण प्रवासी नेपालीहरुको लागि भनेर प्रवासी नेपाली डट् कम www.prabasinepali.com सागर श्रेष्ठको पहलमा साचालनमा आयो । अहिले पनि यसले निरन्तर सत्य तथ्य प्रवासी समाचारहरुलाई प्रकाशनमा ल्याईराखेको छ ।
त्यस्तै सन 2006/8/1देखि साउदी अरबबाट अर्को अनलाई पत्रिकानेपालअरब डट् कम् www.nepalarab.com चिज कुमार श्रेष्ठको पहलमा संचालनमा आयो । सवै खाडी राष्ट्रका नेपालीहरुलाई लक्षित गरि शुरुवात गरिएको यो अनलाईन पत्रिका विगतदेखि वर्तमानमा आइपुग्दा खाडीका नेपालीहरु लगायत विश्वकै आप्रवासी नेपालीहरुको जमघटको स्थलमा रुपान्तरित भएको छ । अझै पनि यो अनलाईन पत्रिकालाई व्यावसायिक वनाउँन नसकिएको हुँदा सवै नेपालीहरुको सहयोग अपरिहार्य भएको कुरा यस अनलाईनका संस्थापक÷प्रधानसम्पादक चिजकुमार श्रेष्ठ वताउँनुहुन्छ ।
08 Jan 2009 देखी पुर्ण वि क पहाडीको पहलमा www.yubabahas.com साचालनमा आएको छ । जसले केहि हदसम्म सुचना आदन प्रदान गरिरहेको छ । अन्य साचारका साधनहरुमा ईभिजन कान्तिपुर ईमेज च्यानल नेपाल १ नेपाली टीभी नेपाली टेलिभिजन यू।sे आदि रहेका छन् । जे जति खाडी राष्ट्रहरुमा सुचनाको मध्यायम भएता पनि ८५ प्रतिशत भन्दा बढी आप्राबासी नेपालीहरु सुचना तथा साचारको क्षेत्रबाट अझै बाचीत भएको पाईन्छ । गल्फ देशहरुमा करिब ३ प्रतिशत मात्र नेपालीहरुले ईमेल तथा ईन्टरनेटको प्रयोग गरेको अनुमान गर्न सकिन्छ ।
स्मरण रहोस साउदी अरबबाटनै अहिले करिब १ दर्जन भन्दा बढी ब्यक्तिगत ब्लग साईटहरु साचालनमा छन् जसले यहाँका समाचारहरु लगायत नेपाली साहित्यलाई टेवा पुर् याइरहेको छ ।
खाडी मुलुकहरुमा सबैभन्दा धेरै नेपाली कार्यक्रमहरु हुने देश यू।ए।ई नै पर्दछ । नेपाली कला संस्कृतिको जगेर्ना गर्दै विभिन्न जातीय संघसस्थाहरुले आ-आफ्नै धर्म संस्कृतिका चाड पर्वहरुमा तिनै चाड पर्वहरु सम्बन्धी कार्यक्रमहरु गर्ने गरेको पाईन्छ भने व्यावसायिक रुपमा पनि कार्यक्रमहरु गरेको पाईन्छ । तर साउदी अरेवियामा त्यस्ता स्टेज कार्यक्रम गर्न बन्देज छ । तै पनि नवलपरासी सम्पर्क माच तथा लुम्वीनी सम्पर्क माच र अनेसास साउदी अरेवियाले साउदी अरेवियामा पनि स्टेज कार्यक्रम दिदै आईरहेको छ । त्यस्ता कार्यक्रम हरुमा साउदी अरेवियाका एम्बेसीको पनि उपस्थिती रहेको पाईएको छ । यस्ता स्टेज कार्यक्रम गर्नमा श्री कृष्ण प्रसाद शर्मा सुबेदी दिलचन बुढामगर र राजु सैयद अग्र स्थानमा आउदछन । एक पटक साउदी अरेवियाकै ईतिहासमा नेपालबाट कलाकारहरु झिकाई रियादमा दुई शो नेपाली संस्कृतिक कार्यक्रमहरु साचालन गरिएको थियो ।
विदेशमा नेपाली पत्रकारितालाई निरन्तरता दिनु अति जरुरी छ तर यहाँको कानुन अनुसार अधिकाँश पत्रकारहरु र अधिकाँश प्रकाशित पत्रिकाहरु अवैधानिक नै छन् । भोलि यहाँको सरकारले यी प्रकाशित पत्र पत्रिकाहरुलाई अवैधानिक रुपमा प्रकाशन गरेको चाल पायो भने यहाँको कानुन अनुसार सजायँ भोग्नु पर्ने हुन्छ । तसर्थ यहाँ रहेका र यहाँबाट प्रकाशन हुने गरेका पत्रिकाहरु यहाँको सरकारी निकायमा दर्ता गर्नको लागि पहल गर्नु अति जरुरत रहेको देखिन्छ ।
खाडी राष्ट्रहरुमा दिन प्रति दिन नेपालीहरुको चाप बढिरहेको छ र भविष्यमा बढी भन्दा बढी दक्ष जनशक्ति भित्रने अपेक्षा गरिएको छ । जति धेरै नेपालीहरुको आगमन भयो त्यति नै धेरै समस्याहरु बढ्ने गर्दछन् र त्यति नै धेरै सूचनाको माध्यमको आवश्यकता पर्दछ । यहाँ अन्य देशहरुका विभिन्न सूचनाका माध्यमहरु साचालनमा छन् । छिमेकी मुलुक भारतका नागरिकहरुले करिव ५ वटा एफ। एम। यू ए इ मा साचालन गरिराखेका छन् साथै दैनिक पत्रिकाहरु पनि प्रकाशित भइरहेका छन् । नेपालीहरु मात्र सूचनाको माध्यममा केही टाढा रहेका छन् । अनलाईन पत्रिकाहरुसँगैभविष्यमा पि्रन्टिङ्ग पत्रिका र एफ।एम। रेडियोलाई पनि प्राथमिकता दिने हो भने निश्चय नै नेपालीहरु पनि सूचनाको क्षेत्रमा अगाडि आइसाचार माध्यममा रोजगारीको अवसर पाउने थिए । यस विषयमा सम्बन्धीत निकायले ध्यान दिन अत्यन्त जरुरी देखिन्छ ।
नोट : लेखक खाडी मुलुक साउदी अरेवियामा प्रबेश गरेदेखीनै पत्रकारीता क्षेत्रमा लागी पर्नु भई सूचना तथा साचार क्षेत्रमा लागी परिरहुभएको छ । अहिले एनआरएन आईसीसी मिडिया टास्कफोस्रमा पनि हुनुहुन्छ ।
सागर श्रेष्ठ
ई मेल info@prabasinepali.com, dear_sagars@yahoo.com
फोन नं : ००९६६ ५६२८८९१८४
August 8, 2009
नेपाली जनप्रगतिशील मंच साउदी अरेवियाको संगठन विस्तारको क्रममा हिजो शुक्रबार दमाम क्षेत्रीय समितिको कोषाध्यक्ष श्री विबेक लामा ज्यूको विशेष पहलमा मिनार्पोट ईलाका गठन भएको छ । उक्त अबसरमा नेपाली जनप्रगतिशील मंचका संस्थापक तथा वरिष्ठ सल्लाहकार श्री सागर ज्यू केन्द्रीय महासचिव प्रेमध्वज केन्द्रीय सदस्य टेक ब। लामा ज्यूको उपस्थिती रहेको थियो ।
महाद शहिदहरुप्रति एक मिनेट मौनधारण गरि कार्यक्रम औपचारिक रुपमा अगाडी बढेको थियो । अन्तरकृया कार्यक्रम पश्च्यात ९ सदसीय ईलाका कमिटि गठन गरिएको छ । जस अनुसार
अध्यक्ष श्री रा राज घिसीङ्ग
उपाध्यक्ष श्री जग बहादुर पालपाली
सचिव श्री चुडामणी वि सी
कोषध्यक्ष श्री सन्तविर तमाङ्ग
सदस्यहरु
विनोद कार्की नकेन्द्र कार्की सन्तोश चेपाङ्ग फुर्वा ब। तमाङ्ग जीत ब। मगर रहनुभएको छ ।
August 4, 2009
काठमाडौँ साउन २० । एकीकृत माओवादीले अब आन्दोलको विकल्प नभएको बताएको छ ।
मंगलवार बसेको सर्वदलिय वैँठकपछि संचारकर्मीसँग प्रतिक्रिया दिदैँ माओवादीका नेताहरुले सो कुरा बताएका हुन । माओवादीका उपाध्यक्ष डा० बाबुराम भट्टराईले वैठकमा उपस्थित प्रधानमन्त्री माधव कुमार नेपाल र कंग्रेस संसदीय दलका नेता रामचन्द्र पौडेल माओवादी मागवारे गम्भीर नभएको आरोप लगाए । हामीले आफ्नो अडान राख्यौ तर प्रधानमन्त्री र पोडेलले गतिरोध बढाउने तफ भुमिका निर्वाह गरे, उनले भने । अर्का उपाध्यक्ष नारायणकाजी श्रेष्ठले सरकारी प्रस्तुतीले आँफूहरुलाई चिन्तित बनाएको बताए ।
हामीलाई उहाँहरुको प्रस्तुतीले गम्भीर एवं चिन्तित बनाएको छ । हामीले निकास निकाल्न भनेका छौ नत्र आन्दोलन गर्छो, उनले भने । वितगकालदेखि नै जनताको मातहतम नरहेको सेनाको विषयमा सरकार गम्भीर नबनेको भन्दै यसले शान्तिप्रक्रिया र संविधान निर्माणमा असर पार्न सक्ने बताए ।
माओवादीका सचिव पोष्टबहादुर बोगटीले सरकार हल्का रुपमा प्रस्तुत भएको र माओवादीला पेलेरै जाने मनस्थितिमा रहेको आरोप लगाए । उनले भने- हामीले प्रधानसेनापतिलाई दिएको अवकाश कार्यान्वयन हुनुपर्ने नत्र छलफलका संसदमा प्रवेश गराइनुपर्ने अडान प्रस्तुत गरेको बताए । उनले भने यसो भएन भने हामी संसद चल्न दिन्नौ र आन्दोलनको विकल्प रहनेछैन ।
संघर्षका कार्यक्रमहरू निम्न प्रकार रहेका छन ।
-क). श्रावण २३ गते देखि व्यवस्थापिका-संसदमा विशेष संघर्ष
-ख). श्रावण २५ गते देशका सवै जिल्ला सदरमुकामहरुमा विरोध प्रदर्शन
-ग). श्रावण २६ देखि भाद्र १० गतेसम्म कोण सभा, कार्टून प्रदर्शन, भित्तेलेखन, मसाल जुलुस, धर्ना, घेराउ आदि व्यापक प्रचारात्मक र दवावमूलक कार्यक्रम
-घ). -१). भाद्र ११ गते देखि राष्ट्रपतिको सार्वजनिक कार्यक्रम वहिष्कार र कालोझण्डा प्रदर्शन
-२). भाद्र १५ गते देखि प्रधानमन्त्रीको सार्वजनिक कार्यक्रम वहिष्कार र कालोझण्डा प्रदर्शन
-३). भाद्र २० गते देखि मन्त्रीहरुको सार्वजनिक कार्यक्रम वहिष्कार र कालोझण्डा प्रदर्शन
-ङ). भाद्र २० देखि २९ गतेसम्म निम्न वमोजिम विशाल जनसभा
भाद्र २१ गते- विराटनगर र गाइघाट -उदयपुर)
भाद्र २२ गते- जनकपुर र सुर्खेत
भाद्र २३ गते- हेटौंडा र वाग्लुङ
भाद्र २४ गते- वुटवल र घोराही
भाद्र २५ गते- पोखरा र फिदिम -पाँचथर)
भाद्र २६ गते- काठमाण्डौं र जुम्ला
भाद्र २७ गते- नेपालगञ्ज र दिपायल
भाद्र २८ गते- धनगढी र विर्तामोड
भाद्र २९ गते- नारायणगढ र लिवाङ -रोल्पा)
-च). असोज महिनाभर ः देशव्यापी जनसांस्कृतिक तथा जनसम्पर्क अभियान
प्रमुख नाराहरू
- नागरिक सर्वोच्चता कायम गर
- राष्ट्रपतिको असंवैधानिक कदम खारेज गर
- स्वायत्त गणराज्यहरू तत्काल घोषणा गर
- समानुपातिक आधारमा स्थानीय निकाय गठन गर
- अक्कासिंदो महँगी नियन्त्रण गर
- पश्चिमी पहाडमा व्याप्त झाडापखालाको महामारी तुरुन्त नियन्त्रण गर
- राष्ट्रिय संयुक्त सरकार निर्माण गरौं
- जनताको संघीय गणतन्त्र स्थापना गरौं
- राष्ट्रिय स्वाधीनताको रक्षा गरौं
- सम्पूर्ण देशभक्त, गणतान्त्रिक र वामपन्थी शक्तिहरु एक हौं ।
July 26, 2009
July 25, 2009
July 19, 2009
नेपाली सर्वहारा बर्ग तथा मज्दुर नेपालीहरुको हक अधिकार र सम्रक्षणको लागी आवाज बुलन्द गर्ने एक मात्र गौरबमय संगठन नेपाली जन प्रगतिशील माच केन्द्रिय कार्यलय साउदी अरेवियाको प्रथम महाधीबेशन यहि जुलाई २३ र २४ मा हुन गईरहेकोमा हामीलाई अत्यन्त खुसी लागी रहेको छ यस पावन अबसरमा कार्यक्रमको सफलताको कामना गर्दै उपस्थिीत हुन सबैलाई हार्दिक अपिल गर्दछौं ।
रामचन्द्र वाग्ले अध्यक्ष तथा नेपाली जनप्रगतिशील माच क्षेत्रीय समिति रहिमा परिवार
सागर श्रेष्ठ
नेपाली जन प्रगतिशील माच साउदी अरेवियाको प्रथम महाधीबेशनको अन्तिम तयारी पुरा भएको महाधीबेशन मुल समारोह समिति संयोजक श्री भिम चापागाईले दिनुभएको छ । माचको ६ ओटा क्षेत्रीय समिति र ११ ओटा ईकाईबाट करिब ८५ जना प्रतिनिधी तथा पर्यबेक्षक उपस्थिती रहने छ । यहि २३ र २४ तारिखको दिन सम्पन्न हुने महाधीबेशनको यहाँको परिस्थीति र ब्यस्ततालाई मध्य नजर गरी सम्पुर्ण बन्दशेशनको कार्यक्रम २४ तारिख भन्दा अगाडीनै सम्पन्नहुने भएको छ । सम्पुर्ण संघ संगठनका प्रमुख तथा प्रतिनिधी पत्रकार समाजसेवी ब्यापारी लेखक सर्बसाधारण माचमा आबद्व सदस्यहरु प्रगतिशील विचार भएका ब्यक्तहरु सबैलाई पत्र पठाएको कथम कदाचीत नपाउनुभएको भए यसै मिडिया मार्फत सम्प्रेशन समाचारलाई निमन्त्रणा मानि उक्त २४ तारिखको दिन विहाना १० बजे साउदी अरेवियाको दमाम शहरको गार्डेनमा आई सम्बन्धीत ब्यक्तिहरुलाई सम्पर्क गर्न अनुरोध गरेको छ । उपस्थित हुन नसक्ने संगठन तथा ब्यक्तिहरु र देश विदेशमा स्थापना भएका प्रगतिशील माचहरुले ईमेल मार्फत
njpmksa@yahoo.com मा बुधबार भित्र शुभकामना पठाउन सकिने जानकारी गराएको छ ।
July 14, 2009
सागर श्रेष्ठ
नेपाल पाकृतिको श्रोत भएको धनी देश हो । यहाँका प्राकृतिक श्रोतहरुलाई मात्र सहि सदुपयोग गर्ने हो भने नेताहरुले भन्ने गरेको नयाँ नेपाल त्यति टाढा छैन । त्यसको लागी राजनिती गर्ने नेताहरुमा परिवर्तशील विचारहुन जरुरी छ ।
नेपाली जन प्रगतिशील माच साउदी अरेवियाको यहि जुलाई २३ र २४ तारिखको दिन पहिलो महाधीबेशनको पावन अबसर पारेर माचको केन्द्रिय सदस्य नारन वाग्ले ज्यूको सकृयतामा चित्रकला प्रर्दशनी पनि हुदैछ । यस विषयमा सम्बन्धीत निकाय तथा संघ संगठनहरुलाई जानकारी दिई सकेको वाग्ले बताउनु हुन्छ । नेपालमा चित्रकला सम्बन्धी संघ संगठन नेपाल पर्यटन बोर्ड आदी ठाँउमा जानकारी गर।ई सकेको र सकारात्मक जवाफ आएको वहाँ बताउँनु हुन्छ ।
यस विषेश प्रर्दशनीमा चित्रकला सम्बन्धी ज्ञान भएका नेपालीहरुलाई भाग लिन र उक्त प्रर्दशनी हेर्न आउन साथै महाधीबेशनलाई सफल पारी दिनहुन माचले सबै नेपालीहरुलाई हार्दिक अपिल गरेको छ ।
यसरी आ आफ्नो क्षेत्रबाट सबैले नेपालको पर्यटन सम्बन्धी प्रचार प्रसार गर्ने हो भने हामी नेपाल पर्यटन बर्ष २०११ भब्यताको साथ मनाउन सक्ने छौं ।
July 11, 2009
सागर श्रेष्ठ
श्रमजीवी वर्गका नेपालीहरुको हक हित अधिकार र सुरक्षाको लागी बुलन्द आवाज गर्दै आई रहेको नेपाली जन प्रगतिशील माच साउदी अरेवियाले क्षेत्र विस्तार गर्ने क्रममा श्री राम चन्द्र वाग्ले ज्यूको अध्यक्षतामा रहिमामा ११ सदसीय समिति र नारियामा श्री सिताराम फुयलको अध्यक्षतामा १५ सदसिय नेपाली जन प्रगतिशिल माच साउदी अरेवियाको क्षेत्रीय समितिहरु क्रमश जुलाई ०९ र जुलाई १० को दिन गठन भएको छ ।
रहिमामा गठन हुने क्रममा केन्द्रीय महा सचिव भिम चापागाई कोषाध्यक्ष प्रेमध्वज लामा केन्द्रिय सदस्य नारन वाग्ले र केन्द्रिय सल्लाहकार चिराजीवी अर्यालको उपस्थिती रहेको थियो । उक्त अबसरमा वहाँहरुले माचको बारेमा स्पष्ट धारणा राख्नुभएको थियो ।
यस माचमा अहिले सम्म अन्य ३ ओटा संगठन आवद्व भई सकेको छ भने ७ ओटा क्षेत्र र ११ ओटा ईकाइहरु गठन भई सकेकाछन । माचको प्रथम महाधीबेशनको पुर्व सन्ध्यामा अझै एउटा क्षेत्र र ३ ओटा ईकाइ गठनहुने प्रकृयामा रहेको छ । माचको प्रथम केन्द्रिय महाधीबेशन यहि जुलाई २३ र २४ लारिखको दिन भब्यताको साथ सम्पन्न हुदैछ ।
राम चन्द्र वाग्ले ज्यूको अध्यक्षतामा गठन भएको क्षेत्रीय समितिमा क्रमश ः उपाध्यक्ष भिम प्याकुरेल सचिव राजेन्द्र अधिकारी सह सचिव राम प्रशाद रिजाल कोषाध्यक्ष पदम प्रशाद अधिकारी सह कोषाध्यक्ष होम बहाुदर गुरुङ्ग पुर्ण सदस्यहरुः विनोद अधिकारी बालकृष्ण वाग्ले दिलीप सि। लीम्बु अर्जुन वराल र आनन्द बहादुर थामी रहेकाछन । २ जना केन्द्रिय बैकल्पीक सदस्य कार्यसमितिले चयन गर्ने गरी सम्पन्न भएको छ । साथै माचमा आबद्वहुन चाहानुहुने नेपालीहरुले निम्न नंहरुमा सम्पर्क गर्न सहिने जानकारी पनि दिनु भएको छ ।
रहिमा राम चन्द्र वाग्ले ०५६५९३२०६९ र नारिया सीताराम फुयल ०५५७३६४७११ ।
July 9, 2009
सम्पुर्ण युएईबासी नेपाली जनसमुदायहरु
सदियौ देखी सामन्ती उत्पीडन बाट धरासायी बन्दै गएको देशको अर्थतन्त्र र त्यसैको प्रभाबमा सृजना
भएको लाखौंको बेरोजगारीबाट केही हद सम्म भए पनि मुक्ति पाउन तथा आफ्नो परिबारको साँझ बिहानको
छाक टार्नका निम्ति मात्रै भए पनि अन्तराष्ट्रिय श्रम बजारमा सस्तो मुल्यमा आफ्ना पौरखी हातहरु बर्जान
बिबश हामी सम्पुर्ण प्रबासी नेपालीहरुले प्रबासमा रहेर पनि आफ्नो पेशागत हक हित तथा नयाँ नेपाल
निर्माणको गहन दायित्व बोध गर्दै एकै ठाउमा केन्द्रित भई तमाम अन्याय अत्याचार तथा ठगी दलाली एबं
मानब तस्करीका बिरुद्ध निर्मम भई लाग्नु पर्ने परिस्थीतिको सृजना भएको छ । त्यसैले यातायात मजदुरहरुमा
आइपर्ने आम समस्याहरुलाई प्रभाबकारी ढंगले समधानका लागि एक आपसमा अन्तर सम्बन्धीत भई अिघ
बढ्नुपर्ने जिम्मेवारी आइ परेको छ । तसर्थ पेशागत तथा अन्य समस्या समधानका निम्ति दृढता पुर्बक
निम्न बुदुहरु कार्यान्वयनका लागि पारित गर्दछौं ।
१ विश्वमा सर्वमान्य मजदुर ऐन लागु गरि राज्यको हरेक तह र तप्कामा यातायात मजदुरहरुको उचित
सहभागिता गराउदै संबैधानिक हक अधिकार सुनिश्चित गर्न ऐतिहासिक संविधानसभामा यावत
समस्याहरुको समाधानको लागि कानुन ल्याउनको लागि पहल गर्ने ।
२ प्रवासमा छरिएर रहेका सम्पुर्ण यातायात क्षेत्रमा काम गर्ने नेपाली नागरिकहरुलाई अन्र्तराष्ट्रिय
ट्राफिक नियमको पालना गर्ने तथा गराउने गरि जनचेतना मुलक कार्यक्रम संचालन गर्ने ।
३ यातायात मजदुर हित विपरित हुने सवै किसिमका कि्रयाकलापहरुको विरोध गर्ने र हित अनुकुल
हुने कार्यहरुको संरक्षण तथा प्रबद्र्धनमा सहयोग गर्ने ।
४ युएईमा रहेका सम्पुर्ण नेपाली यातायात मजदुरहरुमा रहेका कूलत तथा व्याभिचारका विरुद्ध
सचेतना प्रगतिशिल शोच तथा कार्य शैलीको विकास गराउन प्रयत्न गर्ने ।
५ हाम्रो मौलिक कला संस्कृति साहित्य आदीको जगेर्ना गर्ने र यसको माध्यमबाट नेपाल युएई
लगायत बिभिन्न मूलुकका नागरिक बिच सुमधुर सम्बन्ध राख्न प्रयत्न गर्ने ।
६ युएईमा कार्यरत कतिपय नेपालीहरुमा रहेका कूलत तथा व्यभिचारका विरुद्ध सचेतना जगाई
स्वच्छ लोकतान्त्रिक एवं प्रगतिशिल शोच तथा कार्य शैलीको विकास गराउन प्रयत्न गर्ने ।
७ युएईमा रहेका सम्पुर्ण यातायात मजदुरहरुलाई संगठित पार्दै राष्ट्रियता जनतन्त्र र जनजीविकाको
सवालमा संचालित न्यायपुर्ण मुक्ति आन्दोलनलाई समर्थन जनाउने ।
८ प्रगतिशील यातायात मजदुरहरुको साझा समस्याको बारेमा छलफल गरि सहयोग पुग्ने
किसिमका कार्यक्रम ल्याउने निकट भविष्यमा यातायात मजदुर भलाइ कोष स्थापना गर्ने र
रक्तदान कार्यक्रमहरु संचालन गर्ने ।
९ सवारी चलाउदा दुर्घटना भएर अंगभंग भएमा उपचार गराउन पहल गर्दै आर्थिक सहयोग
जुटाउने किसिमका कार्यक्रमहरु संचालन गर्ने ।
१० प्रवासमा रहेर रोजगारीका क्रममा आर्जन गरेकेा सीप र क्षमतालाई नेपाल र नेपालीको
हितमा प्रयोग गरि नेपालको विकासमा सहयोग पुर् याउने खालका कार्यक्रमहरु ल्याउने ।
११ रोजगारीको क्रममा युएईमा आएर अलपत्र परेका यातायात मजदुर साथीहरुलाई अलपत्र
पार्ने व्यक्ति वा संस्थालाई कार्वाहीको लागि नेपाली नियोग मार्फत पहल गर्ने र उद्धारको
लागि सहयोग गर्ने ।
१२नेपालको राष्ट्रिय अखण्डता सार्वभौम गणतन्त्र र मानवअधिकारको विरुद्धमा हुने सवै
प्रकारका कि्रयाकलापहरुको विरोध गर्ने र हित अनुकुल कि्रयाकलापहरुको संरक्षँण र प्रवद्र्धनमा
सहयोग गर्ने।
१३प्रगतिशील यातायात मजदुर मंचमा आबद्ध सदस्यहरुलाई कुनै पनि जटील रोगहरुको
उपचारको लागि सहयोगी कार्यक्रमहरु ल्याउने ।
१४ माचमा आबद्ध सदस्यहरुको दुर्घटनाबाट मृत्यु भएमा सदस्यहरुको परिवार तथा
बालबच्चाहरुलाई सहयोग पुग्ने किसिमका कार्यक्रमहरुको तर्जुमा तथा कार्यान्वयन गर्ने ।
१५ नयाँ नेपाल निर्माणको लागि बैचारिक आर्थिक नैति तथा भौतिक सहयोग गर्ने ।
१६ नेपाली दुतावासले घोषणा गरेको मानव तस्कर विरुद्धको अभियानमा हरतरहले
सहयोग गर्ने ।
क्रान्तिकारी अभिबादन सहित
संयोजक
नेपाली प्रगतिशील यातायात मजदुर माच यु ए ई
May 26, 2009
May 25, 2009
पुर्ण अंश भित्र ज्ञापन पत्र श्रीमान महामहिम राजदुत हमीद अन्सारी ज्यू नेपाली राजदुताबास साउदी अरब रियाद उपरोक्त सम्बन्धमा हामी सबैलाई अवगत नै छ । नेपाल एउटा स्वतन्त्र देश भएता पनि अर्ध सामन्ति अर्ध उपनवेशीक सामाजिक संरचनाको परिवेशमा टिकाई राखेको व्यवस्था बाट नेपाल र नेपाली जन्ाताको पुर्ण रुपमा असन्तुस्ट भएको मुल्यांकन गरि उक्त प्रतिगामी शक्तिहरुले सडि रहेको सामन्तवादी चरित्रलाई त्याग्न आनकानी गरेता पनि नेपाल र नेपाली जन्ातालाई अझ विकराल समस्या तर्फ लैजाने ठुलो कस्रत सम्म गरेको कसैबाट लुकेको छैन भने सबै विषय वस्तुलाई आत्मासात् गरि जनयु¢को उध्घोष संगै १० वर्षे जनयु¢ र १९ दिने जनआन्दोलन संगै सामन्तवादी संरचनाको केही अवशेष को अन्त्य एवं संघीय लोक्तान्त्रिक गणतन्त्रको स्थापना संगै नयाँ नेपालको अवधारणा अगाडि आएको अवस्थामा राष्ट्रको धेरै समस्या मध्ये वैदेशिक रोजगारमा जो पुर्व संरचना जस्तै यथास्थितिमा कायम् राखी अल्ापत्र ठगी छल-कपट मानव तस्कर जस्ता घृणीत कार्यमा पनि सुधार हुन नसक्नु अत्यन्तै बिडम्बना नै हो भने न्ययपालिका व्यवस्थापिका कार्यपालीका मा पनि पुर्ण लोक्तान्त्रीक् हुन नसक्नु मुख्य दुई खाले धार देख्नु हो भन्न सकिन्छ । एक खाले वर्गहरु अझै पनि यथस्थिति व्यवस्थालाई कायम् राख्न चहान्छन भने विद्रोह बाट गोलमेच सम्मेलन अन्तरीम सरकार र संविधानसभाको चुनाव संगै वार्ता व्यापक जनमत सहित सरकारको नेतृत्व गर्न पुगेको पार्टीले संघीय लोकतान्त्रिक गणतन्त्रलाई जनसमक्ष स्थापित गर्दै पुर्व संरचनालाई अन्त गरि नयाँ नेपालको अवधारणा अगाडी ल्याई देश विकासमा निरन्तर लाग्न सबै दलहरु संग सम्वाद सहकार्य सहमती गर्दै्र अगाडी बढेको अवस्थामा पनि कुनैनकुनै कोणबाट प्रत्यक्ष अप्रत्यक्ष रुपमा फेरी पनि कुठराघात गर्ने षडयन्त्र हुन थालेको हाम्रो निष्कर्ष पनि रहेको छ । फेरी लोकतान्त्रीक गणतन्त्रको स्थापना संगै सरकारको नेतृत्व गरेको पार्टीलाई छोटो अवधिमा सबै समस्या हल तुरुन्तै हुन्छ भन्नुपनि उपयुक्त हँुदैन तर ठोस रुपमा भन्नु पर्दा सरकार प्रतिपक्ष सबै दलहरु न्ाागरिक समाज मानव अधिकारवादी सुरक्षा निकाय एवं देश र जन्ाता प्रति आत्मसात् गर्ने गरि विकासशक्तिलाई निष्कर्ष मा पुर् याउन सबैलाई खबरदार होशियार चेतावनी स्वरुप आवज उठाएकै हुनु पर्छ । नयाँ नेपालको अवधारणा प्रति कुनै कतै बाट खेलवाड भएमा उक्त व्यक्ति सघंसस्था पार्टी जो कोहिलाई पनि ट्रेकमा ल्याउन दण्ड सँजाय प्रावधान भएको नितीलाई मुर्त रुप दिन दवाव सिर्जना गर्न अवाज उठाएकै हुनु पर्छ । अब बन्ने नयाँ ऐनमा देश र जन्ातालाई मुल मान्यता राख्दै सबै समस्याको हल हुने प्रष्ट खाका कोरीनु पर्नेमा पनि सबै क्षेत्रका वर्गहरुको समानुपातिक समावेशी हुनु पर्छ । त्यसै अनुरुप जन्ाताका धेरै समस्याहरु मध्ये वैदेशिक रोजगारको समस्या जटिल छ । देशको कुल जनसंख्या मध्ये एक तिहाई भारत लगायत संसारका धेरै देशहरुमा नेपाली कामदर अत्यन्तै दयनीय जिवन विताउन बाध्य भएका छन । मुख्य कारण देशमा रोजगारीको समस्या हो । श्रीमान महामहिम राजदुत हमीद अन्सारी ज्यू धेरै देशहरु मध्ये साउदी अरबमा पनि नेपाली कामदारहरु म्ााथी अहिलेसम्म प्रत्यक्ष अप्रत्यक्ष रुपमा सम्वन्धित निकायबाट दोहोरो खेलवाड ठग धोका छलपकट अलपत्र एवं मानव तस्करको रुपमा घृणित कार्य भैरहेको हुँदा उक्त कार्यलाई रोक्न र सुधार गर्न उक्त कार्यमा संलग्न व्यक्तिलाई दण्ड सँजायको पहलगर्न तपाँई विदेशमा सरकारको प्रतिनिधित्व गरि कुटनितिक नियोगको कार्यभार सम्हाल्नु भएको हुँदा उक्त विषय माथी गंभीर भई निम्न बुँदाहरुमा पहल गर्नुहुन नेपाली जनप्रगतिशिल माच साउदी अरबले जोडदार रुपमा अपिल गर्दछौ । १।साउदी अरबमा जसरी नेपाली कामदारहरुमाथी भैरहेको शोषण अत्यचार र सम्झौता अनुरुप काम र तलब सुविधा नदिने र मानव अधिकार विरोधी घृणित कार्य गर्ने जोकोहीलाई पनि कानुन अनुसार दण्ड सँजाय दिईयोस साथै वाध्य भएर कम्पनी छोड्ने र अलपत्र पर्ने जस्ता समस्यामा परेका कामदारको ठोस मुल्यांकन गरि सम्बन्धित निकाय संग पहल गरि निकास निकाल्नु पर्नेमा जोड दिन चहान्छौं । २। दुर्घट्नामा परि मर्ने अंगभंग हुने ठुला ठुला विमारी पर्ने जस्ता समस्याहरुलाई सम्बन्धित कम्पनीले वेवास्ता गर्दै आएका रिपोर्टलाई मुल्यांकन गरि सो देशको कानुनको दायरामा भित्र रहि उक्त कामदारको समस्या हल गर्नु पर्नेमा ध्यानकर्षण गराउन चहान्छौं । एवं कारणवश मृत्यु भएको नेपालीहरुको लास क्षतिपुर्ति सहित छिटो भन्दा छिटो स्वदेश पठाउने व्यवस्था गर्ने पनी अपिल गर्दछौं । ३।नेपाली कामदारहरुको अत्यन्त्ौ निम्न वेतन रहेको हुँदा दक्षिण एसियाका कामदारहरु सरह वेतन निर्धारीत गर्न लाई सम्झौता गर्नुपर्ने सम्बन्धित निकाय संग सम्वाद चलाउनु पर्ने अनुरोध गर्न चहान्छौ । ४।नेपाली कामदार वैदेशिक रोजगार मा पठाउँदा कम्तीमा छलपटक नगरी वैमानी फटाहगिरी नगरी काम वेतन मा सहि सम्झौता गरि खाडीको नियम कानुन लाई मानवताको नाताले र लोकतान्त्रिकरणलाई आत्मसात गरि उक्त निकायलाई कडा निर्देशन दिन ठोस पहल गर्नु पर्ने सम्म श्री महामहिम राजदुत ज्यू लाई अवगत गराउन चहान्छौ । ५। जसरी वैदेशिक रोजगारमा नेपाली कामदार पठाउँदा मेडिकल एवं मेनपावर श्रम विभाग र स्थानिय दलाल र विदेशीदलालबाट चौतर्फी शोषण भएको एर्थाथलाई सबै लोकतन्त्रकारीहरुले आत्मसात गर्दै उक्त कृयाकलाप विरुद्ध न्यायपुर्ण माग राख्दै दबाव दिने होशीयार गराउने खबरदार गर्ने अलपत्रको उद्धार गर्ने आदी विषयमा व्यापक जनआधार निर्माण गर्न व्यापक तैयारी सहित हाम्रो प्रवाश साखा को कुटनितीक नियोग नेपाली राजदुताबास मार्फत नेपाल सरकारको ध्यान आर्कशण गराउन चहान्छौं । ६।sम्पनी छोडी भागेको वा भाग्न बाध्य पारिएका नेपालीलाई स्वदेश फर्काउने सम्बन्धमा विभिन्न कारणबाट कम्पनी छाडी भाग्न बाध्य भएको तर अन्य कुनै अपराधमा संलग्न नभएका नेपालीहरुलाई नेपाली दुतावासको सिफारिसमा छिटो सरल र सुलभ विधीबाट नेपाल पठाउने व्यवस्था मिलाउन अनुरोध गर्दछौं । ७।सम्बन्धित काममा नेपालबाटै तालिम दिएर पठाउनु पर्ने नेपालबाट आएका कामदारहरु त्ाालिम प्राप्त नभएकाले विभिन्न समस्याहरुमा पर्ने गरेकाले कामदारहरु विदेश पठाउदा सम्बन्धित कामको तालिम दिई पठाउनु पर्नेमा जोड दिन्छौं । ८।सम्झौता अनुसारको काम तथा तलब सुविधा नदिने कतिपय कम्पनीहरुमा अलपत्र परेका कामदारहरु र कम्पनी छोडी भाग्न वाध्य भएका नेपाली कामदारलाई खाने बस्ने समस्या उत्पन्न्ा हुने हुदा यस्तो अवस्थाको निकाश निकाल्न अपिल गर्दछौं । ९।जसरी भारत हुदै देशी विदेशी दलालहरुको साँठगाँठमा नेपाली चेलीबेटीलाई मानव तस्करको रुपमा नेपाल सरकार एवं श्रम स्वीकृति विना खाडी क्षेत्रमा पठाउने जुन यथास्थितिवादी व्यावहार छ उक्त व्यावहारलाई तुरुन्तै रोक्न नेपाल सरकार पराराष्ट्र मन्त्रालय श्रम विभाग र विदेशी कुटनिति नियोगको सम्वादमा व्यापक गहन छलफल गरी उक्त कार्य अविलम्ब रोक्न एवं उक्त कार्यमा संलग्न संघ संस्था व्यक्ति जोकोहीलाई पनि कानुनको दायरामा ल्याई दण्ड सँजाय तुरुन्तै लागु गर्ने र अलपत्रमा परेकाहरुको तुरुन्त उद्धार गर्न सम्बन्धित सबै निकायहरुलाई नेपाली जनप्रगतिशिल माच साउदी अरब जोडदार अपिल गर्दछ । १०।sुन कुन मुलुकमा कस्ता कस्ता कामदारहरु आपूर्ति गर्न सकिन्छ त्यसको दुतावास मार्फत अध्ययन गरी सोही अनुसार उक्त स्तरको प्रशिक्षण दिई दक्ष कामदारको आपूर्तिको व्यवस्था गरिनु पर्नेमा जोड दिन्छौं । ११। साउदी अरबमा विशेष गरी शुक्रबार सार्वजनिक विदा हुने भएको हुँदा दुतावास सम्बन्धी कामको लागी नेपाली कामदारहरुलाई शुक्रबार उपयुक्त हुने भएको हुँदा शुक्रबार दुतावास खोल्ने प्रावधान गर्न एवं दुतावासमा साचारको २४ सै घण्टा सुविधा उपलब्ध गराउनु हुन अपिल गर्दछौं अन्त्यमा यी विविध समस्या हरु ल्ााई आत्मसात गरी नेपाल सरकार पराराष्ट्र मन्त्रालय श्रम विभाग सम्म पुर् याउनुहुन एवं साउदीमा रहेका संघ संस्था मंच सबैसंग सम्वाद सहकार्य गरी उत्त वैदिशिक रोजगारलाई पारदर्शी बनाउनु पर्नेमा श्रीमान महामहिम राजदुत हमीद अन्सारी ज्यू संग विनम्र अनुराध गर्दछौं । धन्यवाद । नेपाली जन प्रगतिशिल मंच साउदी अरब केन्द्रिय समिती प्रतिनिधि मण्डल महासचिवः भिम चापागाँई उपाध्यक्ष ः ऋषिराम गैरे कोषध्यक्ष ः प्रेम ध्वज लामा सदस्यः बि। बि। खड्का वोधार्थ प्रधानमन्त्रिको कार्यलय श्रम मन्त्रालयको कायलय परारष्ट मन्त्रालयको कार्यलय
